Óskemen ІІB-ǵa jańa basshy taǵaıyndaldy

ÓSKEMEN. QazAqparat - Polıtsııa polkovnıgi Dáýir Ybyraev Óskemen Іshki ister basqarmasynyń bastyǵy bolyp taǵaıyndaldy, dep habarlady «QazAqparat» HAA tilshisi.

ІІD baspasóz qyzmetinen habarlanǵandaı, buǵan deıin ol Shemonaıha aýdandyq jergilikti polıtsııasyn basqardy. Dáýir Bolatuly Ybyraev 1978 jyly Semeı qalasynda týǵan. 2000 jyly QR ІІM B.S. Beısenov atyndaǵy zań ınstıtýtyn támamdady.

Oqýyn aıaqtaǵan soń birden Semeı ІІD Ortalyq polıtsııa bóliminde tergeýshi boldy, ár ýaqytta Semeı ІІB, ShQO QІІB-de aǵa jedel qyzmetker bolyp qyzmet etti. Borodýlıha aýdany ІІB basshysynyń orynbasary, basshysy boldy. 2011 jyldan bastap Shemonaıha aýdany ІІB basshysy laýazymyn atqardy. Úılengen, eki qyzdy tárbıeleýde.