Óskemen ekologtary zaýyttan shyqqan sary tútindi tekserýge kiristi

ÓSKEMEN. QazAqparat – Óskemen qalasynda zaýyttan shyǵyp jatqan sary tútin jurttyń úreıin týǵyzdy, dep habarlaıdy QazAqparat tilshisi.

Sońǵy kúnderi áleýmettik jelilerde «Kaztsınk» JShS Óskemen metallýrgııalyq kesheni kúkirt qyshqyly zaýytynyń «WSA Haldor Topsoe» qondyrǵysynan sary tútin shyǵyp jatqany týraly vıdeo tarap, kópti úreılendirdi. Atalǵan fakti boıynsha ShQO ekologııa departamentiniń qyzmetkerleri tekserý jumystaryn bastady.

«Mamandar habar túsisimen zaýytqa bardy. Alaıda kelgen sátte tútin seıilip ketken. Al «WSA Haldor Topsoe» qondyrǵysyn jel jaǵynan ólshegen kezde zııandy shyǵaryndylardyń artýy tirkelmedi. Qazirgi ýaqytta dıagnostıkalyq tekserýden ótkizý úshin qondyrǵynyń jumysy toqtatyldy. Sarapshylardyń pikirinshe, bul tańerteń temir totyǵymen bitelgen qubyrlardy jeldetý kezindegi shyǵaryndy bolýy múmkin», - dep habarlady departamenttiń baspasóz qyzmetinen.

Oqıǵanyń barlyq mán-jaıyn anyqtaý úshin 13 qyrkúıekke keıin Óskemen metallýrgııa keshenine qatysty jospardan tys tekserý júrgizilýde.