Óskemen ekologııasy nashar qala sanatynan shyqty
ÓSKEMEN. QazAqparat - Óskemende sońǵy 10 jylda qorshaǵan ortaǵa tastalynatyn zalaldy zattardyń kólemi birneshe ondaǵan myń tonnaǵa azaıǵan, dep habarlaıdy Ekologııalyq qaýipsizdik ortalyǵynyń dırektory Gennadıı Koreshkov «QazAqparat» HAA-nyń tilshisine bergen suhbatynda.
Onyń aıtýynsha, aýaǵa zııandy shyǵaryndylardyń azaıýyna iri kásiporyndardaǵy ekologııalyq baǵdarlamalar, qoǵamdyq baqylaý men Qazaqstandaǵy jalǵyz «ÓEBÓAÓJ» ekologııalyq onlaın baqylaý júıesi áser etken.
Gennadıı Leonıdovıchtiń málimdeýinshe, ÓEBÓAÓJ (Ónerkásiptik-ekologııalyq baqylaýdyń óńirlik avtomattandyrylǵan ólsheý júıesi) árbir 20 mınýt saıyn dál qazirgi ýaqytpen aýanyń jaǵdaıyn baqylaýǵa múmkindik beredi. Tehnıkalyq qurylǵy qalanyń 11 jerinde, sonyń ishinde kásiporyndarda da ornatylǵan.
«Lastaný» ındeksi RShK-nyń 2 birligine «tómendegen», bizdiń qalamyz «las» qalalardyń tiziminde birneshe orynǵa tómen tústi», - dedi G.Koreshkov.
Aıta keteıik, atalmysh ekologııalyq baqylaý ekologııa departamentiniń kez kelgen kásiporyndy tekserýine jol ashty.
