Óskemen dámhanasyndaǵy jappaı ýlaný: Polıtsııa qylmystyq is qozǵady

ÓSKEMEN. KAZINFORM – Óskemendegi dámhanalardyń birinde ótken merekelik sharaǵa kelgenderdiń jappaı jedel ishek ınfektsııasymen aýrýhanaǵa túsýine qatysty qylmystyq is qozǵaldy.

Aldyn ala derek boıynsha, dámhanada ótken merekelik sharaǵa 200-ge jýyq adam qatysqan. Alaıda olardyń ishinde naqty qansha adam ýlanǵany belgisiz.

- Dámhana qyzmetkerleriniń jalpy sany – 17 adam. Olardyń tek segizinde ǵana medıtsınalyq kitapsha bolǵany anyqtaldy. Mamandar dámhanaǵa jospardan tys tekseris júrgizip, zerthanalyq synamalar aldy, - dep habarlady qalalyq sanıtarlyq-epıdemıologııalyq baqylaý basqarmasynan.

Al polıeıler dámhanany ýaqytsha jaýyp, mórledi. Jappaı ýlaný deregi boıynsha QR Qylmystyq Kodeksiniń 304-babyna (Sanıtarlyq erejelerdi nemese gıgıenalyq normatıvterdi buzý) sáıkes qylmystyq is qozǵaldy. Tergeý aıasynda naýqastardyń turǵylyqty jerlerinde de qosymsha zertteýler júrgizilip jatyr.

Eske salsaq, osyǵan deıin Óskemende merekelik sharanyń sońy jappaı ýlanýǵa ulasqany habarlanǵan.