Óskemen-Bozanbaı tasjolynda jol apatynan bir adam qaza tapty
ÓSKEMEN. KAZINFORM – Shyǵys Qazaqstan oblysyndaǵy Óskemen-Bozanbaı tasjolynda jol apatynan bir adam kóz jumdy.
Ulan aýdany Baıash Ótepov aýyly mańynda Chevrolet Cobalt pen Mitsubishi Pajero avtokólikteri soqtyǵysqan. Sonyń saldarynan Chevrolet Cobalt kóliginiń júrgizýshisi oqıǵa ornynda mert boldy.
- Al Mitsubishi Pajero kóliginiń júrgizýshisi men Chevrolet Cobalt kóliginiń jolaýshysy túrli dene jaraqatymen medıtsınalyq mekemege jetkizildi. Atalǵan fakti boıynsha sotqa deıingi tergeý bastaldy, - dep habarlady ShQO Polıtsııa departamentinen.
Qazirgi ýaqytta jol apatynyń mán-jaıyn anyqtaýǵa baǵyttalǵan qajetti tergeý amaldary júrgizilip jatyr.
Eske salsaq, osyǵan deıin Almatyda kólik bes jaıaý júrginshini qaǵyp ketkeni habarlanǵan.
