Óskemen Birlik kúnin merekeleýde
ÓSKEMEN. 1 mamyr. QazAqparat - Búgin Óskemende qalanyń bas alańy - Respýblıka alańynda «Men - Qazaqstannyń patrıotymyn» atty jastar sherýimen merekelik is-sharalar bastaldy.
Merekelik saptyń saltanatty sherýin Halyqtar dostyǵy úıiniń ókilderi, jasóspirimder men sport mektepteriniń jastary, aımaqtyń iri kásiporyndarynyń eńbek ujymdary ashty. Sherýden keıin sol alańda úlken merekelik kontsert bastaldy.
Úlken qala alańy sport, bı, án, oıyn, balalar jáne eresekter jarystary boıynsha birneshe alańqaıdy biriktirdi.
Sonymen qatar búgin barlyq qala saıabaqtary, murajaı keshenderi men stadıondar óz jańa maýsymdaryn ashty. Árbir saıabaq alańynda bul saǵattarda óz betinshe ártisterdiń óner kórsetýi men balalar salǵan sýretter baıqaýlary jalǵasýda. «Altaı» stadıonynda avıamodelshiler men kartıngısterdiń kórnekti óner kórsetýleri ótýde.
Degenmen, Birlik kúniniń merekelik tańyn ashqandar velosıpedshiler men baıkerler boldy. Saǵat 9-da Dańq Memorıalynan áýesqoı sportshylardyń velosıped jarysy bastaldy jáne sol ýaqytta qala baıkerleri «Nazar aýdaryńyz: mototsıklshi!» is-sharasyn bastady. 70 astam mototsıklshiler dástúrli bolyp ketken jańa mototsıkl maýsymyn ashty.
Qala ákimdiginde qalanyń kóshelerinde jańa kóktemgi maýsymynyń ashylýy erteń sýburqaq sherýimen jáne Ámire Qashaýbaevtyń 125 jyldyǵyna arnalǵan qazaqtyń dástúrli ánderin oryndaýshylardyń úlken respýblıkalyq baıqaýynyń ashylýymen jalǵasatynan habarlady.
