Óskemen balabaqshalarynda sanıtarlyq baqylaý kúsheıtildi
ÓSKEMEN. QazAqparat – Óskemen qalasyndaǵy balabaqshalarda sanıtarlyq baqylaý kúsheıtildi, dep habarlaıdy QazAqparat.
«Balabaqshalar jumysyn toqtatqan joq. Ata-analarǵa da mektepke deıingi mekemelerdiń ishine kirýge ruqsat berilgen. Alaıda ondaǵy sanıtarlyq baqylaý kúsheıtiletin bolady», - dep habarlady qaladaǵy koronavırýstyń taralýyn boldyrmaý maqsatynda qurylǵan shtab ókilderi.
Esterińizge sala ketsek, osyǵan deıin Óskemende kópshilik oryndardaǵy balalar oıyn alańdary jabylǵanyn habarlaǵan bolatynbyz.
Sondaı-aq jolaýshylar avtobýstary ár reıs saıyn dezınfektsııalanyp jatyr.
Qala ákimi Jaqsylyq Omar shaharda azyq-túlik qory jetkilikti ekenin málim etti.
