Óskemen aıaldamalarynda jyly avtobýstarǵa kirip shaı iship alýǵa bolady
ÓSKEMEN. QazAqparat - Qala ákimi Qýat Tumabaevtyń tapsyrmasymen 25-27 qańtar aralyǵynda saǵat 17:00 den 19:00 ge deıin óskemendikter úshin aıaldamalar mańynda jyly avtobýstar jumys istep turatyn boldy, dep habarlaıdy «QazAqparat» HAA.
Bul jyly aıaldamalar emes, jyly avtobýstar. Qala ákiminiń baspasóz qyzmeti taratqan aqparatqa sáıkes, Óskemendegi 10 aıaldamanyń janyna 10 jyly avtobýs qoıylǵan. Óńirdegi qatty aıazǵa baılanysty qala turǵyndary avtobýsqa kirip jylynyp ystyq shaı ishe alady.
«Avtobýstardyń ishinde tegin ystyq shaı men kofe uıymdastyrylǵan. Mańdaı terezesinde «Jylytý pýnkti» dep jazylǵan 10 avtobýs qazir halyqqa qyzmet etip tur. Bul avtobýstar qala shetindegi oqýshylardy mektep tasýǵa arnalǵan qoǵamdyq kólikter. Balalar sabaqtan bosatylǵandyqtan avtobýstar aıazda ıgi maqsatqa paıdalanylýda», - dep habarlaıdy Óskemen qalasy ákiminiń baspasóz qyzmeti.
Jylytý avtobýstary qoıylǵan Óskemendegi adamdar eń kóp jınalatyn aıaldamalar tizimi:
1. Ýshanov alańy;
2. "45-tegi gastronom";
3. "Qazaqstan";
4. "Ivýshka";
5. Ortalyq bazar;
6. Ádilet úıi;
7. Ózen vokzaly;
8. Halıfa Altaı meshiti;
9. Ahmer (áskerı qalashyq);
10. GES.
