Óskemen avtobýstarynda elektrondy bıletteý júıesi synaqtan ótkiziledi
Shahar basshysy Jaqsylyq Omardyń aıtýynsha, eger elektrondy bıletteý júıesi engizilse, onda tarıf te dıfferentsııalanady. Máselen, jolaqy kartochka arqyly tólense – 90 teńgeni quraıdy, al qolma-qol aqsha túrinde bolsa – baǵa sáıkesinshe joǵary bolady.
«Biz úshin elektrondy bıletteý júıesiniń nátıjeli iske asýy óte mańyzdy. Sondaı-aq jańa bıletteý júıesi iske qosylǵan tramvaılar sanyn kóbeıtý kerek», - dedi ShQO ákimi Danıal Ahmetov jıyn barysynda.
Aımaq basshysy kúzdiń úsh aıynda qalanyń barlyq qoǵamdyq kólikterinde qolma-qol aqshasyz esep aıyrysýǵa qajetti jabdyqtardyń ornatylýyn qadaǵalaýdy tapsyrdy.
«1 qazannan bastap tıisti jabdyqtar ornatylǵan 65 avtobýsty synaqtan ótkizý qajet. Elektrondy bıletteý júıesimen jáne osy jabdyq áli qoıylmaǵan avtobýstardan qarajattyń qalaı jınalatynyn salystyramyz», - dep túıindedi oblys ákimi.