Óskemen áýejaıynan kúdikti zat tabylyp, halyq evakýatsııalandy

ÓSKEMEN. QazAqparat – Óskemen qalasynda áýejaıdan kúdikti zat tabylyp, halyq evakýatsııalandy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, 8 maýsym kúni saǵat 15.32-de «102» jedel arnasyna habar túsken.

Onda Óskemen áýejaıynda bagajdy skanerlegen kezde kúdikti zat tabylǵany aıtylǵan.

«Qazirgi ýaqytta oqıǵa ornynda shuǵyl qyzmet mamandary jumyldyryldy. Tekserý jumystary júrgizilip jatyr. Áýejaıǵa kelýshiler men qyzmetkerler túgel evakýatsııalandy», - delingen aqparatta.

Áýejaıdyń jumysy tıisti tekserýden keıin eshqandaı qaýipti zat tabylmasa qaıta jandanady.

Esterińizge sala ketsek, osyǵan deıin ShQO ákimdiginiń qasyndaǵy ǵımaratqa bomba qoıylǵany týraly habar túskenin jazǵan edik.