Óskemen áýejaıy joǵary baǵa úshin jaýapkershilikke tartyldy
ASTANA. KAZINFORM — Básekelestikti qorǵaý jáne damytý agenttiginiń Shyǵys Qazaqstan oblysy boıynsha departamenti «Óskemen áýejaıy» AQ-ǵa qatysty tergep-tekserýdi aıaqtady.
Tergep-tekserý nátıjesinde áýejaıdyń avıaotyndy bólshek saýdada ótkizý kezinde monopolııalyq joǵary baǵalardy belgileýge jáne ustap turýǵa jol bergeni anyqtaldy.
Tergep-tekserý qorytyndysy boıynsha Ákimshilik quqyq buzýshylyq týraly kodeksiniń 159-babynyń 3-bóligine sáıkes ákimshilik quqyq buzýshylyq týraly is qozǵaldy.
Birinshi satydaǵy sottyń qaýlysymen, sondaı-aq Shyǵys Qazaqstan oblystyq sotynyń 2026 jylǵy 14 qańtardaǵy sheshimimen «Óskemen áýejaıy» AQ ákimshilik jaýapkershilikke tartyldy.
Kásiporynǵa shamamen 8,9 mln teńge mólsherinde ákimshilik aıyppul salyndy, sondaı-aq memleket kirisine shamamen 10,6 mln teńge kóleminde monopolııalyq tabys tárkilendi.
Qazirgi ýaqytta atalǵan somalar tolyq kólemde bıýdjetke tólendi.
Aıta kektelik Bektenov birqatar naryqta monopolııaǵa qarsy baqylaýdy kúsheıtýdi tapsyrǵan edi.
