Óskemen, Astana, Atyraý qalalarynda aýa sapasy tómendeıdi

ASTANA. KAZINFORM — Búgin Qazaqstannyń 3 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».  

— 2025 jylǵy 13 maýsymda Óskemen, túnde Astana, Atyraý qalalarynda qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin Pavlodar, Óskemen qalalarynda, túnde Astanada aýa sapasy nasharlaıtyny habarlanǵan edi.