«Óskemen-Altaı» tasjolynda jol apatynan 1 adam kóz jumdy
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy «Óskemen-Altaı» tasjolynyń 71-shaqyrymynda bolǵan. Jeńil kólik júrgizýshi jol jıeginde turǵan KamAZ-ǵa soǵyldy.
«Lada» markaly avtokólikti tizgindegen er adam júk kóliginiń artyna soǵylǵan. Belgili bolǵandaı, KamAZ jol jıeginde toqtap turǵan. Jol apaty saldarynan jeńil kóliktiń 27 jastaǵy júrgizýshi sol jerde qaıtys boldy», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq kodeksiniń 345-baby 3-bóligine (kólik basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy saldarynan abaısyzda adam ólimine ákep soǵýy) sáıkes sotqa deıingi tergeý amaldary bastaldy. Tıisti sot-medıtsınalyq saraptamalar taǵaıyndalǵan.