«Óskemen-Altaı» tasjolynda janarmaı tasıtyn júk kóligi aýdarylyp tústi

ÓSKEMEN. QazAqparat – Shyǵys Qazaqstan oblysyndaǵy «Óskemen-Altaı» tasjolynda janarmaı tasıtyn júk kóligi aýdarylyp tústi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 13 sáýir kúni oblystyń mańyzy bar «Óskemen-Altaı» tasjolynyń Altaı qalasynyń mańyndaǵy ýchaskesinde bolǵan.

«Janarmaı tasıtyn «Volvo» markaly júk kóliginiń júrgizýshisi qaýipsiz jyldamdyqty tańdamaı, rýldi basqara almaı qalǵan. Sonyń saldarynan kólik jyraǵa qulady», - delingen aqparatta.

Abyroı bolǵanda, zardap shekken eshkim joq. Júrgizýshige qatysty ákimshilik hattama toltyryldy.

Aıta keteıik, kólikten jerge janarmaıdyń tógilgen-tógilmegeni ázirge belgisiz. Oblystyq Ekologııa departamentiniń mamandary sol jerge baryp, tekserý júrgizbek.