Óskemen-Altaı tasjolynda kólik aýdarylyp, 1 adam kóz jumdy

ÓSKEMEN. QazAqparat - Shyǵys Qazaqstan oblysyndaǵy Óskemen-Altaı tasjolynda kólik jyraǵa qulap, 1 adam qaza boldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, qaıǵyly oqıǵa búgin tańerteń «Óskemen-Altaı» tasjolynyń 16-shaqyramynda bolǵan.

«29 jastaǵy er adam Lexus kóligimen Óskemenge qaraı kele jatqan. Jyldamdyqty ruqsat etilgen shekten asyryp jibergen ol rýldi basqara almaı qalǵanda kóligi jyraǵa qulap, aýdarylyp tústi», - dep habarlady vedomstvo ókilderi.

Kólik júrgizýshisi aýyr jaraqattary saldarynan kóz jumdy. Sondaı-aq zardap shekken 19 jastaǵy jolaýshy aýrýhanaǵa jatqyzylǵan.

Atalǵan fakti boıynsha QR QK-niń 345-baby 3-bóligimen (abaısyzda adam ólimine ákep soqqan jol qozǵalysy erejelerin buzý) sotqa deıingi tergeý amaldary bastaldy.