Óskemen — Altaı tasjolynda júk kólikteriniń qozǵalysy ýaqytsha toqtatylady
ASTANA. KAZINFORM — Shyǵys Qazaqstan oblysynda aýa raıynyń qolaısyzdyǵyna baılanysty 30 qazan saǵat 21:00-den bastap Óskemen – Altaı – Úlken Naryn – Katonqaraǵaı – Rahman qaınary avtojolynyń 7–166 shaqyrymynda tirkemesi jáne jartylaı tirkemesi bar júk kólikteriniń qozǵalysyna shekteý qoıylady.
Búgin saǵat 21:00–de aýa raıynyń buzylýyna baılanysty respýblıkalyq mańyzy bar «Óskemen — Altaı — Úlken Naryn — Katonqaraǵaı — Rahman qaınary» avtojolynyń 7 — 166 shaqyrym aralyǵynda (Ýshanovskoe aýyly — Altaı qalasy) tirkemesi jáne jartylaı tirkemesi bar júk kólik túrleriniń qozǵalysyna shekteý engiziledi.
Joldy 2026 jyly 31 qazan saǵat 08:00–de ashý josparlanǵan.
Aıta keteıik, búgin Shyǵys Qazaqstanda bıiktigi 45 metrlik Pıhtovka kópiri paıdalanýǵa berilip, Óskemen – Altaı baǵytyndaǵy 28 shaqyrym jol qaıta jańǵyrtyldy. Jańa jol Osınov asýynyń qaýipti burylystaryn aınalyp ótýge múmkindik beredi.
