Óskemen álemdik tıtan óndirisiniń 25 paıyzyn qamtamasyz etedi
NUR-SULTAN. QazAqparat – Óskemendegi Qazaqstandaǵy jalǵyz tıtan-magnıı kombınaty álemdik ónim kóleminiń tórtten birin óndiredi. Bul týraly Shyǵys Qazaqstan oblysynyń ákimi Danıal Ahmetov aıtty, dep habarlaıdy QazAqparat tilshisi.
«Bizdegi Tıtan-magnıı kombınaty álemniń jetekshi kombınattarymen básekelesip qana qoımaıdy. Ol ónimniń 60 paıyzyn eýropalyq Airbus kontsernine jetkizedi. Búgingi tańda tıtan-magnıı kombınaty ónimderin alý úshin álemniń avıatsııa kompanııalary ǵana emes, basqa da kóptegen kompanııalar talasyp júr», - dedi ShQO ákimi Danıal Ahmetov Ortalyq kommýnıkatsııalar qyzmetindegi baspasóz máslıhatynda.
Óńir basshysy álemde bar bolǵany úsh berıllıı zaýyty men 5 tantal zaýyty jumys isteıtinin, Qazaqstanda atalǵan baǵyttar boıynsha bir-bir kásiporynnan bar ekenin atap ótti.
«Bul ındýstrııalyq áleýeti saqtalǵan biregeı múmkindikter, ol bizdiń elimizdiń ındýstrııasy ekenin maqtanyshpen jarııalaýǵa múmkindik beredi», - dedi Danıal Ahmetov.
