Óskemen ákimdigi qala ataýy jazylǵan tuǵyrdaǵy qate jaıly túsinik berdi

ÓSKEMEN. QazAqparat – Óskemen ákimdigi qala ataýy jazylǵan tuǵyrdaǵy qate jaıly túsinik berdi, dep habarlaıdy QazAqparat tilshisi.

Sońǵy kúnderi áleýmettik jeli qoldanýshylary Óskemenge kireberiste shahar ataýy jazylǵan tuǵyrdaǵy qateni synǵa aldy. Fotosýretten kórinetindeı, Óskemen ataýynan «s» árpi túsip qalyp Ókemen (Ókemen) dep jazylyp qalǵan.

Qala ákiminiń keńesshisi Álibek Tursymbetovtyń aıtýynsha, bul orfografııalyq qate emes.

«Atalǵan tuǵyrdaǵy montajdaý jumystary tolyqtaı aıaqtalmaǵan. Osyǵan baılanysty «s» árpi túsip qalypty. Ár árip bólek-bólek ornatylǵan bolatyn. Qazirgi ýaqytta tuǵyrdaǵy jazý túzetilgen», - dedi ol.