Óskeleń urpaqqa ónege kerek - Alan Tilenshıev
Statıstıkalyq málimetterge qaraǵanda, 2016 jyldyń 12 aıynda elordanyń Almaty aýdany boıynsha qylmystyq qýdalaý organdary óndirisinde kámeletke tolmaǵandarǵa qatysty barlyǵy 80 qylmystyq is bolsa (67 qylmystyq is 2016 jyly tirkelgen), onyń 63-i jábirlenýshi men kúdiktiniń tatýlasýyna baılanysty qysqartylǵan, qalǵan 17-i negizinen qaraý úshin sotqa joldanǵan. Kámeletke tolmaǵandarmen jasalǵan qylmystardyń 46,2 paıyzy bótenniń múlkin ashyq jymqyrý derekteri boıynsha oryn alsa, 17,9 paıyzy bótenniń múlkin jasyryn jymqyrý, 11,9 paıyzy qorqytyp alý, 4,4 paıyzy alaıaqtyq, avtomobıldi nemese ózge de kólik quralyn aıdap ketý, buzaqylyq jáne esirtki zattaryn tutyný derekteri boıynsha oryn alǵan. Kámeletke tolmaǵan qylmystardyń basym bóligi, ıaǵnı 65,6 paıyzy aýyr sanattaǵy qylmystar qataryna kiredi. Bul, árıne óte bir alańdatatyn jaǵdaı. Sonymen qatar, jekelegen kámeletke tolmaǵandardyń birneshe ret qylmys jasaý derekteri de oryn alǵan»,- dedi ol.
Onyń aıtýynsha, qylmystylyqtyń oryn alýyna birinshi kezekte kámeletke tolmaǵandardyń áleýmettik-ekonomıkalyq jáne otbasy-turmystyq jaǵdaıy áser etse, ekinshiden, olardyń quqyqtyq sana-seziminiń, bilim deńgeıiniń tıisti turǵyda qalyptaspaýy, ata-analar men jaýapty organdardyń aldyn alý jumystaryn óz dárejesinde júrgizbeýi sebep bolyp otyr.
«Ádettegideı, kámeletke tolmaǵandar bar kúsh-jigerin oqýǵa, oqýdan tys ýaqytta qosymsha mádenı-sport úıirmelerine jumsap, olardyń ata-analary, mekteptegi ustazdary jáne osy salaǵa jaýapty tulǵalar tıisti baǵyt-baǵdar berip otyrsa, quqyq buzýshylyq derekteri oryn almaı, kerisinshe memleketimizdiń órkendeýine óz úlesterin qosatyn azamattardyń ósip shyǵatyny sózsiz. Degenmen, kámeletke tolmaǵandar isteri jónindegi ýchaskelik polıtsııa ınspektorlary jáne osy salaǵa basshylyq etetin jaýapty tulǵalar zańnama talaptaryn tıisti turǵyda oryndamaı almaı keledi. Sonyń saldarynan 2016 jyly barlyǵy 67 qylmys tirkelip, atalǵan baǵytta atqarylǵan jumystary mardymsyz kúıde ekendigin baıqatty», - dedi Tilenshıev.
Sonymen birge, prokýrordyń paıymynsha, kámeletke tolmaǵandar isteri jónindegi polıtsııa qyzmetkerleriniń 201 profılaktıkalyq isti zerdeleýdi kesheýildetip, profılaktıkalyq eseptegi kámeletke tolmaǵandarmen jáne ata-analaryna qatysty sharalardy josparǵa sáıkes júrgize almaı otyrýy bul baǵyttaǵy jumystarda olqylyqtardyń kóp ekenin kórsetti.
«Atalǵan zań buzýshylyqtar kámeletke tolmaǵandar isteri jónindegi ınspektorlardyń óz qyzmettik mindetterine nemquraıly qaraýynan, olarǵa baqylaý jasaıtyn basshy quramynyń áreketsizdiginen jáne profılaktıkalyq jumystardyń álsizdiginen oryn alǵan. Osyǵan sáıkes, Almaty aýdandyq prokýratýrasy zańdylyqty buzýshylyqtardy joıyp, keshendi is-sharalar júrgizý baǵytynda usynys túrindegi prokýrorlyq yqpal etý aktisin engizdi. Qazirgi tańda mektepten basty kósheleri arqyly turǵyn úıge baratyn joldardyń qaýipti aımaqtaryn anyqtaý arqyly shemalyq karta jasaý, bilim ordasynda oqymaıtyn kámeletke tolmaǵandardyń tizimin jasap, olardyń árqaısymen profılaktıkalyq is-sharalar júrgizý jumystary qolǵa alynyp jatyr», - dedi aǵa ádilet keńesshisi.