Óskeleń urpaq lańkestiktiń qaýipti bolmysyn anyq túsinýi kerek - Qasym-Jomart Toqaev
ASTANA. QazAqparat - Lańkestikke qarsy turýda álemdik qoǵamdastyq kúsh biriktirýi kerek. Bul týraly búgin «Dinder terrorızmge qarsy» atty halyqaralyq konferentsııada Senat Tóraǵasy Qasym-Jomart Toqaev málim etti.
«13 jyl buryn Qazaqstan Prezıdenti Nursultan Nazarbaev Álemdik jáne dástúrli dinder kóshbasshylarynyń Sezin bastama etip kóterip, sodan beri ol Astanada turaqty negizde ótkizilip keledi. Bes márte ótken Sezd HHІ ǵasyrda bul dıalog alańynyń qajettiligin baıqatyp otyr. Ótken jyldarda Sezdiń aýqymdy qujatnamalyq bazasy qalyptasty. Osy rette atalǵan qujattar qazirgi zamandaǵy barsha ózekti problemalar boıynsha ǵalamshardaǵy rýhanı qaıratkerlerdiń birlesken ustanymy men qadamdaryn kórsetedi. Bul turǵyda dinaralyq dıalog, jahandaný jaǵdaıynda mádenıetterdiń qatar ómir súrýi, jańa urpaqty tárbıleý, lańkestikke qarsy turý jáne basqa da mańyzdy taqyryptar qamtyldy. Astana sezderi birlesken kúsh-jigerdiń nátıjesi bolyp tabylady», - dedi Senat Tóraǵasy.
Sonymen qatar Qasym-Jomart Toqaev búgin elordada ótip jatqan halyqaralyq konferentsııa bul dıalogqa tyń serpin beretinin atap ótti.
Radıkaldy toptar turaqty qarjylandyrýǵa qol jetkizgenine, sońǵy býyndy tehnologııalardy tıimdi paıdalanyp otyrǵanyna toqtalǵan ol, osyndaı jahandyq qaterge tek birlesken kúsh-jigermen qarsy turýǵa bolatyndyǵyn qadap aıtty.
«Dinaralyq kelispeýshilikti týdyrýǵa jol bermeý boıynsha bizdiń qoǵamdarǵa, birinshi kezekte buqaralyq aqparat quraldary aldynda etıkalyq normalardy daıarlap, engizý sharalary tur... Sonymen qatar osy baǵytta bilim berý men aǵartý jumystary erekshe mańyzǵa ıe, óıtkeni óskeleń urpaq lańkestiktiń qaýipti bolmysyn anyq túsinýi kerek», - dedi Senat Tóraǵasy.
Sóz sońynda ol meleketter jekeleı lańkestikke qarsy turýǵa qaýqarsyz ekenin, ıaǵnı bul turǵyda álemdik qoǵamdastyq kúsh biriktirýi kerektigin jetkizdi.
