«Oskardyń» júrgizýshileri men qatysýshylarynyń tizimi jarııalandy
ASTANA. QazAqparat - Amerıka kınoakademııasy bıyl «Oskar» syılyǵyn tabystaý rásimindegi júrgizýshiler men qatysýshylardyń tizimin jarııalady.
28 aqpanda rásimge qatysatyndardyń arasynda Benısıo Del Toro, Výpı Goldberg jáne Kevın Hart bar.
«Bul akterlerdiń árqaısysy «Oskar» sahnasynyń sánin keltiredi», - dep málimdedi syılyq prodıýserleri Devıd Hıll men Redjınald Hadlın.
Aldaǵy ótetin syılyqty tabystaý rásimin nomınant akterlerdiń tizimindegi jetkiliksiz násildik alýantúrlilik týraly qyzý pikirtalas búldirdi, kóptegen qara násildi ártister narazylyq retinde syılyqtardy tabystaý rásiminde boıkot jasaıtynyn málimdedi.
Al rejısser Spaık Lı aq násildi emes akterlerdi «Oskarǵa» shyǵarý kezinde arnaıy kvotalardy engizýdi talap etken, dep habarlaıdy Bı-bı-sı.
