«Oskardyń» jeńimpazdary anyqtalýda
ASTANA. 25 aqpan. QazAqparat - Brıtandyq ánshi jáne kóptegen ánderdiń avtory Adel Djeıms Bond týraly 23-inshi fılm «007: «Skaıfoll» koordınattary» kartınasynyń saýndtreki bolǵan Skyfall kompozıtsııasy úshin «Oskardy» aldy.
Buǵan deıin ol osy áni úshin «Altyn globýs» syılyǵyn ıelengen bolatyn.
Eń úzdik rejısser bolyp «Pı ómiri» fılmindegi jumysy úshin Eng Lı aldy.
Avstrııalyq akter Krıstof Valts «Ekinshi plandaǵy eń úzdik akter» atalymy boıynsha Kventın Tarantınonyń «Django» kartınasynda «baskeserdiń» róli úshin nagradaǵa ıe boldy. Ekinshi plandaǵy eń úzdik áıel róli» úshin «Oskardy» Vıktor Gıýgonyń romany boıynsha túsirilgen «Qýylǵandar» fılmindegi Fantınanyń róli úshin Enn Hetýeı aldy.
Eń úzdik anımatsııalyq lenta bolyp Pixar stýdııasynyń «Batyl júrek» mýltfılmi tanyldy. «Shet tilindegi úzdik fılm» atalymynda «Oskardy» Mıhael Hanekeniń «Mahabbat» kartınasy aldy.
Kıno óneri jáne ǵylym akademııasynyń 85-inshi saltanatty rásimi álemniń 225 elinde tikeleı efır arqyly kórsetilýde.
