«Oskardyń» nomınanttaryn Enn Hetýeı jarııalaıdy
ASTANA. Qańtardyń 27-si. QazAqparat - «Oskar-2010» úmitkerleriniń qysqa tizimin aktrısa Enn Hetýeı (Anne Hathaway) jarııalaıtyn bolady,
dep habarlaıdy QazAqparat Associated Press saıtyna silteme jasap.
Hetýeımen birge nomınanttardy Amerıka kınoakademııasynyń prezıdenti Tom Shırak (Tom Sherak) tanystyrady. «Oskar» júldesi úmitkerleriniń qysqa tizimi aqpannyń 2-sinde Los-Andjeleste ótetin arnaıy saltanatta jarııalanady. Amerıka kınoakademııasy marapatynyń ıegerleri naýryzdyń 7-sinde belgili bolady.
Enn Hetýeı 2009 jyly «Reıchel kúıeýge shyǵady» («Rachel Getting Married») fılmindegi basty róldi somdaǵany úshin «Oskar» nomınanty bolǵan edi. Ol kezeńde, eń úzdik aktrısa nagradasy «Jyrshy» fılmindegi jumysy úshin Keıt Ýınsletke berilgen bolatyn.
