«Oskardy» tabystaý rásiminde 5 dúrkin Grammy syılyǵynyń ıegeri án shyrqaıdy
NЬıÝ-IORK. QazAqparat – Bıllı Aılısh «Oskar» syılyǵyn tabystaý rásimine qatysady. Bul týraly sársenbi kúni Amerıka kınoóner akademııasy Twitter-de jazdy, dep habarlaıdy QazAqparat.
«Daıynsyzdar ma? Bıllı Aılısh «Oskar» syılyǵyn tabystaý rásiminde arnaıy óner kórsetedi», - dep málim etti shara uıymdastyrýshylary.
26 qańtarda Aılısh Grammy mýzykalyq syılyǵynda jurtshylyqty tańǵaldyryp, bes marapat aldy. 2019 jyldyń jeltoqsanynda 18 jasqa tolǵan ánshi «Úzdik jas oryndaýshy» dep tanylsa, Bad Guy áni oǵan «Jyl áni» jáne «Jyl taspasy» sanatynda jeńis ákeldi. Budan bólek, Aılıshtiń When We All Fall Asleep, Where Do We Go? plastınkasy «Jyl albomy» marapatyna ıe boldy.
Amerıka kınoóner akademııasynyń «Oskar» syılyǵynyń 92-shi rásimi 9 aqpanda Los-Andjeleste (Kalıfornııa shtaty) ótedi. Sharany AVS telekompanııasy tikeleı efırden kórsetedi.
