«Oskardy» endi JI kómegimen túsirilgen fılmder alýy múmkin

ASTANA. KAZINFORM — Amerıka kınematografııalyq akademııasy «Oskar» syılyǵyna usynylǵan fılmderde jasandy ıntellekt tehnologııalaryn paıdalanýǵa múmkindik beretin jańa erejelerdi jarııalady.

VVS habarlaýynsha, qujatta JI jáne basqa da tsıfrlyq quraldardy paıdalaný «nomınatsııa alý múmkindigine kómektespeıdi de, zııan da keltirmeıdi» delingen. Sondyqtan mundaı tehnologııalardy paıdalana otyryp túsirilgen fılmder negizinen «Oskar» syılyǵyna úmittene alady.

Alaıda Akademııa jeńimpazdardy tańdaý kezinde adamdardyń belgili bir jumysqa qosqan úlesin áli de eskeretinine ýáde berdi.

Buǵan deıin Geıts JI arqasynda eńbek naryǵynda tóńkeris bolatynyn málimdegen.

Sondaı-aq BAÁ zańdardy jasaý úshin JI qoldanatyn birinshi el bolatynyn jazǵan bolatynbyz.