OSKAR: «Jasyl kitap» úzdik fılm atandy
ASTANA. QazAqparat - Los-Andjeleste ótken «Oskar» syılyǵynyń marapattaý saltanatynda rejısser Pıter Farrellıdiń «Jasyl kitap» (Green Book) kartınasy «Úzdik fılm» atalymynyń jeńimpazy boldy, dep habarlaıdy QazAqparat AVS telearnasyna silteme jasap.
Fılmniń sıýjetine djaz pıanısi Don Shırlı men onyń júrgizýshisi ári kúzetshisi Tonı Lıptiń 1962 jyly AQSh-ty túgel kezip shyqqan saıahaty arqaý bolǵan.
«Úzdik fılm» atalymyna, budan bólek, Iorgos Lantımostyń «Favorıt qyz» (The Favourite), Alfonso Kýaronnyń «Roma» (Roma), Braıan Sıngerdiń «Bogemııalyq rapsodııa» (Bohemian Rhapsody), Bredlı Kýperdiń «Juldyzdyń týýy» (A Star is Born), Spaık Lıdiń «Qara klan ókili» (BlacKkKlansman), Adam Makkeıdiń «Bılik» (Vice) jáne Raıan Kýglerdiń «Qara pantera» (Black Panther) fılmderi usynyldy.
Eske sala keteıik, buǵan deıin «Úzdik akter», «Úzdik aktrısa», «Úzdik mýltıplıkatsııalyq fılm», «Shet tilindegi úzdik fılm» atalymdarynyń jeńimpazdary týraly habarlaǵan edik.
