«Oskar» uıymdastyrýshylary JI-akterler men stsenarıılerge túbegeıli qarsy
ASTANA. KAZINFORM — AQSh-tyń Kıno óneri jáne ǵylym akademııasy «Oskar» syılyǵynyń erejelerine ózgerister engizip, jasandy ıntellekt kómegimen jasalǵan akterlik beıneler men týyndylardyń marapatqa úmitker bola almaıtynyn jarııalady, dep DW agenttigi.
JI-akterlerge tyıym salyndy. Marapatqa tek adamnyń kelisimimen jáne tikeleı oryndaýymen jasalǵan rólder ǵana qatysa alady. Bul 2025 jyly JI arqyly jasalǵan aktrısa Tıllı Norvýd sııaqty keıipkerlerdi irikteýden shyǵarady. Bul sheshim marqum Vel Kılmerdiń beınesin jasandy ıntellekt arqyly qaıta jańǵyrtqan «Qabirdegideı tereń» fılminen keıin qabyldanǵan.
Stsenarıılerdi tek adamdar jazýy tıis. Akademııa JI quraldary stsenarısterdiń múmkindigin arttyrmaıdy da, shektemeıdi de, alaıda avtorlyq quqyq adamǵa tıesili bolýy kerek ekenin atap ótti. Daýly jaǵdaılarda qosymsha qujattar talap etiledi.
Akterlerge qatysty ózgeris. Endi bir akter bir kategorııada birneshe ról úshin de nomınatsııa ala alady. Buryn tek bir ról ǵana usynylatyn.
Halyqaralyq fılmderge qatysty ereje. Endi «Shetel tilindegi úzdik fılm» nomınatsııasyna bir elden birneshe fılm usynylýy múmkin, eger olar bedeldi halyqaralyq festıvalderde (Berlın, Kann jáne t.b.) júlde alǵan bolsa. Buryn tek ulttyq irikteýden ótken bir fılm ǵana qatysa alatyn.
Aıta keteıik, ótken jyldyń qarashasynda jasandy ıntellekt arqyly jasalǵan án alǵash ret Billboard hıt-paradynda birinshi orynǵa shyqqan bolatyn.
Al 2026 jylǵy Oskar syılyǵynyń qorytyndysy boıynsha kimder, qandaı marapat alǵanyn myna siltemeden oqyńyz.
