«Oskar» syılyǵynyń úsh márte ıegeri endi kınoǵa túspeıtin boldy
ASTANA. QazAqparat - Brıtandyq akter Denıel Deı-Lıýıs óziniń ónerdegi mansabyn aıaqtaýǵa sheshim qabyldady. Bul jaıly akterdiń ókili habarlady, dep jazady Variety.
Denıel Deı-Lıýıs - tarıhta eń úzdik er adam róli úshin «Oskar» syılyǵyn úsh ret (1990, 2008 jáne 2013 jyldary) alǵan jalǵyz akter.
Akter ókiliniń habarlamasynda «Deı-Lıýıstiń «endi akter retinde jumys istemeıtindigi jáne qoldaý bildirip kelgen áriptesteri men kórermenderine sheksiz alǵysy » aıtylǵan.
Alaıda ataqty kıno juldyzy ne úshin ónerdegi mansabyn aıaqtap otyrǵandyǵyn ashyp aıtpady.
Foto: Jason Merritt / Getty Images
