«Oskar» syılyǵyn tapsyrý rásimin AVS telearnasynan 36 mln kórermen tamashalaǵan
ASTANA. QazAqparat - AVS telekompanııasy translıatsııa jasaǵan amerıkalyq kınematografııa akademııasynyń «Oskar» syılyǵyn tapsyrý rásimin36,6 mln kórermen tamashalady, dep habarlaıdy RBK.
Degenmen bul kórsetkish ótken jylmen salystyrǵanda edáýir tómen, dep habarlaıdy Reuters.
Akter Nıl Patrık Harrıs uıymdastyrǵan shoý kórermenderdi ázilqoı Ellen De Djeneres júrgizgen ótken jylǵy telehabardan 16 paıyzǵa az tartty. Onda translıatsııany 43,7 mln adam kórgen edi. Bas júlde Alehandro Gonsales Inıarrıtýdiń «Berdmen» fılmine buıyrdy. Djýllıana Mýr «Eń úzdik áıel róli» atalymyn jeńip alsa, Eddı Redmeıın jyldyń «Úzdik akteri» boldy. Shet tildegi úzdik fılm atalymyn polıaktardyń «Ida» fılmi enshiledi. Andreı Zvıagıntsevtiń «Levıafan» fılmi júldeden qur qaldy.
