«Oskar» syılyǵyn berýdiń astaryndaǵy saıasat belgili boldy
ASTANA. 27 aqpan. QazAqparat - Iran «Jyldyń eń úzdik fılmi» nomınatsııasy boıynsha «Oskar» júldesin alǵan Ben Afflektiń «Argo» fılmin «antıırandyq úgit-nasıhat quraly» dep atady. Bul týraly baq.kz habarlaıdy. Fılmde 1979 jylǵy Iran ıslam revolıýtsııasy kezinde Tegerandaǵy Kanada elshiliginen amerıkalyq dıplomattardyń qashyp shyǵý oqıǵasy kórsetiledi.
Irannyń mádenıet jáne ıslam qundylyqtary mınıstri Muhammed Hýseını «fılmniń kórkemdik máni joq» dep málimdedi. Al memlekettik telearnalar «Argony» «OBB-ǵa (TsRÝ) jarnama jasaý quraly» dep atady.
Jartylaı resmı Mehr agenttigi «fılmge «Oskar» júldesin berý Gollıvýdta qandaı saıasattyń yqpaly júretinin kórsetedi» degen turǵyda pikir bildirdi.
Fılm Iran kınoteatrlarynda kórsetilgen joq.
