«Oskar» syılyǵynyń eki dúrkin ıegeri Djın Hekmen ómirden ozdy

ASTANA. KAZINFORM – «Oskar» syılyǵynyń eki dúrkin ıegeri Djın Hekmen men onyń áıeli Betsı Arakava Nıý-Meksıko shtatynyń Santa-Fe qalasyndaǵy úıinde óli kúıinde tabyldy, dep habarlaıdy VVS. 

Hekmen 95 jasta, onyń áıeli 63 jasta edi. Akter esirtki bıznesine qatysty «Frantsýzdyq baılanysshy» (1971 j) qylmystyq boevıgindegi róli jáne 1992 jyly «Keshirilmegen» vesternindegi róli úshin eki ret «Oskar» syılyǵyna ıe boldy. 

Hekman, onyń pıanıst áıeli Betsı Arakava jáne olardyń ıti Santa-Fedegi (Nıý-Meksıko) úıinde óli kúıinde tabyldy, dep habarlady polıtsııa. 

Aqparatta olardyń bir kún buryn ólgeni aıtyldy. Santa Fe New Mexican saıty okrýg sherıfine silteme jasap jazýynsha, zorlyqpen óltirilýdiń eshqandaı belgileri anyqtalǵan joq. 

Hekmennyń mansaby 1960 jyldary bastaldy jáne ol 80-nen astam fılmge túsip, teledıdarda jumys istedi. «Oskar» syılyǵynan basqa, ol úsh ret «Altyn globýs» jáne eki ret BAFTA syılyǵyn aldy.

Buǵan deıin habarlanǵandaı, tanymal aktrısa Mıshel Trahtenberg qaıtys boldy.