«Oskar» kimge buıyrady?
ASTANA. 21 aqpan. QazAqparat - Amerıkandyq kıno óneriniń akademııasy «Oskar» syılyǵyna úmitkerlerge daýys berýdi aıaqtady. Onyń nátıjeleri 24 aqpan kúni Los-Andjeleste ótetin 24 atalym boıynsha júldelerdi saltanatty tabys etý rásimine deıin qupııada saqtalady.
Bul týraly Ýtro.rý habarlaıdy.
Bıylǵy jyly «Oskarǵa» basty úmitker retinde Ben Afflektiń "Operatsııa "Argo" fılmi atalýda.
Sondaı-aq bas júldeden Mıhael Hanekeniń «Mahabbat», Kventın Tarantınonyń «Django azat etilgen» vesterni, Stıven Spılbergtiń «Lınkoln» fılmi, Ketrın Bıgeloýdyń «Nómir birinshi nysana» dramasy, Eng Lıdiń «Pı ómiri» fılmi jáne t.b. týyndylar úmitti.
Osy demalysta ótetin «Oskar» syılyǵyn úlestirý saltanaty bıyl 85-shi ret uıymdastyrylady. Alǵash ret ol 1929 jyly ótkizilgen edi. Sodan beri talaı synǵa ushyraǵanyna qaramastan, «Oskar» kıno salasyndaǵy eń bedeldi syılyq bolyp sanalady.
