Oskar de la Hoııa: «Kanelo Golovkın salmaǵynyń úzdigi atanady»
ASTANA. QazAqparat - Meksıkandyq boksshy Saýl Alvares Kanelonyń promoýteri Oskar de la Hoııa Los Angeles Times bergen suhbatynda Gennadıı Golovkın men Kell Brýk jekpe-jegi jaıly óz oıymen bólisti, dep habarlaıdy Sports.kz.
- Golovkın óziniń basty qarsylasy - Brýkpen jekpe-jekte osal kórindi. Kezdesý nashar ótken kezde, Golovkınniń álsiz tustary kórinip qalady. Bálkim, bıyl Kanelo 160 fýntta judyryqtasqanda da dál osylaı bolar. Bul salmaqta Kanelo úzdik atanady. Onyń Golovkınmen kezdesýi eń áserli oqıǵa bolmaq. Kanelo únemi qyzyqty, eliktirgish oıyndar ótkizedi, onyń Golovkınmen jekpe-jegi de anshlagpen óterine senimdimin, - dedi de la Hoııa.
Aıta keteıik, Golovkın - Kanelo aıqasy 2017 jyldyń qyrkúıek aıyna josparlanǵan.
