Oskar de la Hoııa Golovkınmen ymyraǵa kelmek

ASTANA. QazAqparat - Meksıkalyq boksshy Saýl Alvarestiń promoýteri Oskar de la Hoııa Golovkınniń komandasymen júrgizilip jatqan kelissózderde ymyraǵa kelýge nıet tanytyp otyr, dep habarlaıdy «SPORTINFORM» SAA.

«Men eshqashan eshkimge «Kanelomen» ótetin jekpe-jek úshin 50% usynbaımyn. Bul múmkin emes. A tarapy degen ne ol? A tarapy - ol meniń tsıfrlardy belgilep otyrǵan faıterim, ol B tarapynsyz-aq, ıaǵnı Golovkınsiz qajetti aqshany jınaı alady. Mysaly, Alvares Denıel Djeıkobspen judyryqtasyp, 750-800 myń aqyly kórermendi (PPV qaralymy) jınaı alady», - degen Oskar de la Hoııa artynsha ymyraǵa kelý qajettigin aıtady.

«Byltyr 1 mıllıon dollar aqsha tapqan, reıtıngi Alvarespen salystyrýǵa kelmeıtin boksshyǵa men ne úshin 50% usynýym kerek? Biz Golovkınmen bokstasý ıdeıasynan ońaı ǵana bas tarta alamyz. Ony, máselen, Djeıkobspen almastyrýǵa bolady. Biraq biz kompromıss tabýymyz qajet. Boks úshin, «Kanelo» úshin, Golovkın úshin ymyraǵa kelýge tıispiz. Óıtkeni jurttyń bári osy revanshty kútip otyr», - deıdi Oskar de la Hoııa BoxingScene.com-ǵa bergen suhbatynda.