Oskar De La Hoııa: Golovkın - Leme jekpe-jegi ekeýi úshin de qaýipti
ASTANA. QazAqparat - Golden Boy Promotions prezıdenti Oskar De La Hoııa onyń boksshysy Davıd Leme men Gennadıı Golovkınniń sharshy alańǵa shyǵýynan tartysty kezdesýdi kútedi, dep habarlady Sports.kz.
Promoýterdiń pikirinshe, jekpe-jek eki sportshy úshin de qıyn bolmaq.
«Bul boks súıer qaýym úshin mańyzdy ári tartymdy kezdesý bolady. Nelikten ekeýi qazir kezdesip otyr? Óıtkeni ekeýiniń de jaǵdaıy jaqsy, ekeýi de álem chempıony. Jaqsy boks úshin osy kerek. Bul qyzyqty ári eki boksshy úshin de qaýipti jekpe-jek bolady. Eki sportshynyń da nokaýtqa jiberý mashyǵy, myqty ıegi, jaqsy daıyndyǵy bar. Qarsylasynyń ıegine birinshi bolyp jetken bylǵary qolǵap sheberi jeńedi dep oılaımyn», - degen pikirimen Oskar De La Hoııa Sports Nation-ge bergen suhbatynda bólisti.
