Oskar De La Hoııa: «Golovkın - Alvares aıqasynyń bolatynyna esh kúmán joq»
ASTANA. QazAqparat - Golden Boy promoýterlik kompanııasynyń prezıdenti Oskar De La Hoııa Foxbusiness.com-ǵa bergen suhbatynda Gennadıı Golovkın men Saýl Alvarestiń jekpe-jegi ýaqyty kelgende bolatynyna kúmán keltirýdiń qajeti joq dep jaýap berdi.
«Kúmándanatyn eshteńe joq. Bul aıqasty jankúıerler taǵatsyzdana kútip júr. Ár nárseniń óz ýaqyty bar. Kanelonyń qazirgi bar mindeti alda ótetin Amır Hanmen jekpe-jekte jeńip shyǵý. 8 mamyrda kelesi qarsylastyń kim bolatynyn aıtatyn bolamyz»,-dedi ol.
