Oskar De La Hoııa: «Eger qazir Golovkın - Alvares jekpe-jegin ótkizse, Kanelo gonorardyń 90% áketedi»
ASTANA. QazAqparat - Golden Boy Promotions prezıdenti Oskar De La Hoııa Golovkın - Alvares jekpe-jegi dál qazir nege uıymdastyrylmaıtynyn túsindirdi, dep jazdy Sports.kz.
Onyń sózine qaraǵanda, eki boksshynyń aqyly translıatsııasyn satýdaǵy aıyrmashylyqqa baılanysty qazir gonorar teń bólinbeıdi.
- Bul kezdesý erteń bolǵan jaǵdaıda gonorardyń 90 paıyzy Kaneloǵa tıesili bolar edi. Qazir mundaı kelissózder júrgizý qıyn ekeni anyq, alaıda ýaqyty kelgende osy jekpe-jekti birge talqylaımyz. Óıtkeni bul kezdesýdi barlyǵy taǵatsyzdana kútip otyr, - dedi De La Hoııa ESPN Deportes-ke bergen suhbatynda.
