«Oskar-2021» syılyǵyna úmitkerler tizimi belgili boldy
NUR-SULTAN. QazAqparat – Pandemııa jáne odan týyndaǵan jahandyq karantın álemdik kınonyń nagradalyq maýsymynyń búkil kestesin buzyp jiberdi. Ádette qańtar aıynyń basynda syılanatyn «Altyn globýs» bıyl aqpannyń sońyna aýystyryldy, al ádette aqpan aıynda beriletin «Oskar» tek 25 sáýirde ǵana tabystalady. Olardyń nomınatsııalary dúısenbi, naýryzdyń ortasynda jarııalanady, dep habarlaıdy QazAqparat VVS agenttigine silteme jasap.
Devıd Fıncherdiń «Mank» kartınasy – 1930 jyldardyń gollıvýdtyq stsenarııshisi German Mınkevıchtiń Orson Ýelstiń «Azamat Keın» atty uly fılmdi qurýynyń dramalyq oqıǵasy týraly baıandaıtyn fılm, úzdik fılm jáne úzdik rejıssýra nomınatsııalaryn aldy. Mankevıchtiń rólin somdaǵan brıtandyq Gerı Oldman úzdik er adamdar róli úshin talasqa tússe, Amanda Seıfrıd ekinshi plandaǵy úzdik áıelder róli nomınatsııasyna dámeli, Erık Messershmıt
túsirilgen kartınanyń aq-qara monohromdaǵy úzdik operatorlyq jumys úshin, Attıkýs Ross jáne kezinde Nine Inch Nails tobynyń kóshbasshysy bolǵan Trent Rezner úzdik orıgınaldy mýzyka úshin júldeli bolýǵa úmitti.
