OSK janyndaǵy azamattar men qoǵamdyq birlestik ókilderiniń ótinishterin qaraý jónindegi jumys tobynyń alǵashqy otyrysy ótti
ASTANA. 11 naýryz. QazAqparat /Aıdar Ospanalıev/ - Búgin Ortalyq saılaý komıssııasynda atalmysh komıssııa janynan qurylǵan 3 sáýirge taǵaıyndalǵan kezekten tys Prezıdent saılaýyna qatysty
azamattar men qoǵamdyq birlestik ókilderiniń ótinishterin qaraý jónindegi jumys tobynyń alǵashqy otyrysy ótti.
Onda kún tártibine qoıylǵan máseleler jaıynda sóz qozǵaǵan jumys tobynyń múshesi Álııa Raqyshevanyń aıtýynsha, 10 naýryzdaǵy málimetter boıynsha Ortalyq saılaý komıssııasyna 14 ótinish túsken. «Al osyǵan deıin elimizdiń Bas prokýratýrasynyń ókilderi respýblıka boıynsha kezekten tys Prezıdent saılaýyna qatysty 256 ótinish túskendigin jarııa etken bolatyn. Prokýratýra málimetteri boıynsha ótinishterdiń basym bóligi Shyǵys Qazaqstan oblysynyń ákimdigine túsken. Biz osy ótinishterdiń barlyǵyn teksere kelgende olardyń basym kópshiligi azamattardyń ózderin saılaýshylardyń tizimine qosýǵa nemese alyp tastaýǵa qatysty bolǵandyǵyn anyqtadyq. Osyǵan qaraı búgingi kúni respýblıka boıynsha saılaýshylardyń tizimderin naqtylaý jumystary belsendi júrgizilýde», - dedi jumys tobynyń múshesi.
Onyń sózine qaraǵanda, Ortalyq saılaý komıssııasyna túsken ótinishterdi qaraý merzimi 5 kún. «Al OSK-ǵa osy ýaqytqa deıin kelip túsken 14 ótinishterdiń túp-tórkinin anyqtaı kelgende, olardyń 3-ýi ǵana shaǵym retinde berilgendigine kóz jetkizdik», - dedi Á.Raqysheva.
