OSK: Jambyl Ahmetbekov QR Prezıdenttigine kandıdat bolyp tirkeldi
ANA. 26 aqpan. QazAqparat /Aıdar Ospanalıev/ - Búgin Ortalyq saılaý komıssııasy Qazaqstannyń Kommýnıstik Halyqtyq partııasynyń hatshysy Jambyl Ahmetbekovty QR Prezıdenttigine kandıdat etip tirkedi.
«Qazaqstan Respýblıkasyndaǵy saılaý týraly» konstıtýtsııalyq zańynyń 56 -babynyń 2-tarmaǵyna sáıkes, Prezıdenttikke kandıdatty oblystar men Almaty jáne Astana qalalarynyń kem degende úshten ekisiniń atynan teńdeı ókildik etetin saılaýshylardyń jalpy sanynyń kem degende 1 paıyzy qoldaýy tıis. Al J.Ahmetbekovtyń kandıdatýrasyn qoldap, elimizdiń 15 óńirinen teńdeı ókildik etetin 96 myń 557 saılaýshynyń qoly jınalǵan. Bul belsendi saılaý quqyǵyna ıe saılaýshylardyń 1 paıyzynan astamy. Osyǵan qaraı OSK usynylǵan qujattardy qaraı kele, olar Konstıtýtsııa men «QR Saılaý týraly» konstıtýtsııalq zańyynyń talaptaryna sáıkes dep tanylyp Jambyl Aýjanuly Ahmetbekovty Qazaqstan Respýblıkasynyń Prezıdenttigine kandıdat retinde tirkeý týraly qaýly qabyldandy.
