OSK Ý. Qaısarovty QR Prezıdenttigine kandıdat retinde tirkeýden bas tartý týraly qaýly qabyldady

Esterińizge sala keteıik, osyǵan deıin kezekten tys QR Prezıdenti saılaýyna qatysý úshin Ortalyq saılaý komıssııasyna ótinish bergen Ýálıhan Qaısarov Prezıdentikke kandıdattardyń memlekettik tildi erkin meńgergendigin anyqtaıtyn lıngvıstıkalyq komıssııanyń emtıhanynan óte almaǵan bolatyn. Soǵan qaramastan Ý.Qaısarov óziniń saılaýǵa qatysýǵa nıetti ekendigin bildirip, OSK-ǵa ekinshi qaıtara qujat tapsyrǵan-dy. Alaıda OSK músheleri aqpannyń 12-i kúni arnaıy májilis ótkizip, Ý.Qaısarovtyń ótinishin qaramaıtyn bolyp sheshim qabyldaǵan bolatyn. Basty sebep - lıngvıstıkalyq komıssııanyń 2011 jylǵy 8 aqpandaǵy otyrysynda (№2 hattama) Ý.Á.Qaısarovtyń memlekettik tildi erkin meńgermegen dep belgilengendigi, ıaǵnı Ý.Á.Qaısarovtyń Konstıýtsııa men «Qazaqstan Respýblıkasyndaǵy saılaý týraly Konstıtýtsııalyq zań qoıatyn talaptardyń birine, naqty aıtqanda, memlekettik tildi erkin meńgerý týraly talapqa sáıkes kelmeıtini anyqtalǵandyǵynda.

Búgin Ortalyq saılaý komıssııasy Ý.Á.Qaısarovty Qazaqstan Respýblıkasy Prezıdenttigine kandıdat etip tirkeýden bas tartty.

"2011 jylǵy 14 aqpan kúni Ortalyq saılaý komıssııasy, «Qazaqstan Respýblıkasyndaǵy saılaý týraly» Konstıtýtsııalyq zańnyń 54-babyna, 59-babynyń 7-tarmaǵy 3)-tarmaqshasyna, Qazaqstan Respýblıkasy Ortalyq saılaý komıssııasynyń 2011 jylǵy 9 aqpandaǵy № 18/28 qaýlysyna sáıkes, Ý.Á.Qaısarovty Qazaqstan Respýblıkasy Prezıdenttigine kandıdat etip tirkeýden bas tartty. Budan buryn, 2011 jylǵy 12 aqpanda, Ortalyq saılaý komıssııasy Ý.Á.Qaısarovtyń ózin-ózi usyný jolymen Prezıdenttikke kandıdat retinde ekinshi qaıtara daýysqa túsý nıeti týraly 2011 jylǵy 9 aqpandaǵy ótinishin qaraýsyz qaldyrǵan bolatyn", - delingen qaýlyda.

Sodan keıin QR Ortalyq saılaý komıssııasy Ýálıhan Ábishuly Qaısarovty Qazaqstan Respýblıkasynyń Prezıdenttigine kandıdat retinde tirkeýden bas tartý týraly qaýly qabyldady.

"Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 54-babyna, 59-baby 7-tarmaǵynyń 3) tarmaqshasyna, Qazaqstan Respýblıkasy Ortalyq saılaý komıssııasynyń 2011 jylǵy 9 aqpandaǵy № 18/28 qaýlysyna sáıkes Qazaqstan Respýblıkasy Ortalyq saılaý komıssııasy QAÝLY ETEDІ: Ýálıhan Ábishuly Qaısarovty Qazaqstan Respýblıkasynyń Prezıdenttigine kandıdat retinde tirkeýden bas tartylsyn", - delingen qaýlyda.