OSK tóraǵasy Reseı men Belarýs BAQ ókilderimen kezdesti

Kezdesý barysynda OSK tóraǵasy qonaqtardy kezekten tys saılaýdyń júrgizilý tártibimen jáne onyń barysymen tanystyrdy. Sondaı-aq ol osy saılaý barysynda oryn alyp otyrǵan jańalyqtar jóninde sóz etip, 20 aqpan kúni aıaqtalǵan kezekten tys saılaýǵa úmitkerlerdi usyný kezeńiniń qorytyndylary jóninde baıandady. Kezdesý barysynda qonaqtar ásirese Prezıdenttiń kezekten tys saılaýyn taǵaıyndaýǵa, uıymdastyrýǵa jáne ótkizýge baılanysty oryn alǵan oqıǵalar men elimizdiń saılaý zańnamasyna jáne saılaý júıesiniń jalpy damý úderisterine qyzyǵýshylyq bildirdi.

Júzdesýde Q.Turǵanqulov delegatsııa músheleriniń saılaýdyń quqyqtyq negizderi men Qazaqstannyń saılaý júıesiniń qalyptasý tarıhy, Konstıtýtsııa men saılaý týraly zańynyń eldegi eń joǵary laýazymynyń úmitkerlerge qoıatyn talaptar, kezekten tys Prezıdent saılaýyn uıymdastyrý men ótkizýge bólingen bıýdjet qarajatynyń mólsheri jóninde áńgimelep berdi. Sondaı-aq ol saıası partııalardyń qyzmetine,

OSK men saılaý protsesine qatysýshylardyń buqaralyq aqparat quraldarymen baılanystary, saılaý úderisiniń aıqyndyǵy men kandıdattardyń BAQ-tarǵa teń qol jetkizýin qamtamasyz etý sharalaryna toqtalyp, jýrnalısterdi qyzyqtyrǵan saýaldarǵa jaýap berdi.

Q.Turǵanqulov BAQ ókilderin elektoraldyq naýqanǵa halyqaralyq baıqaýshylardyń qatysýy men qazaqstandyq jáne halyqaralyq baıqaýshylardyń quqyqtary týraly da habardar etti. OSK tóraǵasynyń sózine qaraǵanda, saılaý naýqanynyń bastalýyna oraı saıası partııalardyń belsendiligi arta tústi. Olardyń barlyǵy derlik úgit- nasıhat jumystaryn júrgizip, ózderiniń ókilderin ortalyq jáne aýmaqtyq saılaý komıssııalarynyń quramyna joldaýdy, sondaı-aq saılaýdy baıqaýǵa qatysýdy kózdep otyr. Kezdesýdi aıaqtaı kele, Q.Turǵanqulov delegatsııa músheleri Qazaqstan Respýblıkasynyń Syrtqy ister mınıstrligi janynda akkredıttelgen jýrnalıster retinde saılaý naýqany barysyn baıqaýǵa belsene qatysatyndaryna senim bildirdi.