OSK tóraǵasy máslıhattar depýtattarynyń kezekti saılaýyna qatysty pikir bildirdi
«Saılaý zańnamasyna sáıkes, máslıhattar depýtattarynyń kezekti saılaýyn Ortalyq saılaý komıssııasy máslıhattardyń ókilettik merzimi aıaqtalýynan keminde úsh aı buryn taǵaıyndaıdy. Saılaý maslıhattar depýtattarynyń konstıtýtsııalyq ókilettik merzimi aıaqtalýyna keminde bir aı qalǵanda ótkizilýi tıis. 2016 jyly saılanǵan maslıhattar depýtattarynyń ókilettigi 2021 jyly naýryzda aıaqtalady. Ózderińiz biletindeı, 2018 jyly «Saılaý týraly» Konstıtýtsııalyq zańǵa saılaý protsesindegi saıası partııalardyń quqyqtaryn edáýir keńeıte túsetin ózgerister engizildi. Zańǵa sáıkes, máslıhat depýtattary partııalyq tizimder boıynsha saılanady. Máslıhattar depýtattaryn saılaýdyń proportsıonaldy júıesine kóshý 2007 jylǵy konstıtýtsııalyq reformanyń logıkalyq jalǵasy bolyp sanalady. Sonymen birge, respýblıkalyq jáne jergilikti deńgeılerde ókildi organdardy qurý jónindegi tásilderdi bir izge keltiredi», - dedi B. Imashev Ortalyq saılaý komıssııasynyń otyrysynda.
Sonymen qatar ol Ortalyq saılaý komıssııasy jańa formattaǵy máslıhattar saılaýyna daıyndyq aıasynda saıası partııalarmen ózara is-qımyl boıynsha barlyq qajetti sharalardy qabyldaǵanyn atap ótti.
«Memleket basshysy búgingi úndeýinde atap ótkendeı, proportsıonaldy model álemdik demokratııalyq tájirıbege tolyq saı keledi, saıası júıeni nyǵaıtýǵa, demokratııany damytýǵa yqpal etedi. Búginde Parlament Májilisiniń 2007-2012 jáne 2016 jyldardaǵy úsh shaqyrylymy proportsıonaldy júıe boıynsha saılandy. Saıası básekelestiktiń negizgi sýbektilerine aınalyp otyrǵan saıası partııalar óńirlik deıgeıde de depýtattyq mandattar úshin kúreske nyq senimmen kirisýi úshin jetkilikti tájirıbe jınady. Ortalyq saılaý komıssııasy jańa formattaǵy máslıhattar saılaýyna daıyndyq aıasynda saıası partııalarmen ózara is-qımyl boıynsha barlyq qajetti sharalardy qabyldady, osydan eki jyl buryn Aqparat jáne qoǵamdyq damý mınıstrligimen birlesip otyrys ótkizgen bolatyn. Onda barlyq saıası partııalarǵa jarǵylyq qujattaryn zańnamanyń jańa normalaryna sáıkestendirý qajettigi týraly habarlanǵan. Saıası partııalardyń saılaýǵa daıyndyq ýaqyty jetkilikti boldy», - dedi OSK tóraǵasy.
Budan buryn habarlanǵandaı, Berik Imashev aldaǵy Májilis depýtattaryn saılaýǵa qatysty túsinik berdi.
Aıta keteıik, Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalady.
«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezıdent.
