OSK tóraǵasy Qýandyq Turǵanqulov kezekten tys saılaýmen baılanysty birqatar sheteldik sarapshylarmen kezdesti
ANA. 1 sáýir. QazAqparat /Aıdar Ospanalıev/ - Keshe Ortalyq saılaý komıssııasynyń tóraǵasy Qýandyq Turǵanqulov amerıkalyq sarapshylar delegatsııasynyń ókili, Jańa demokratııalar ınstıtýtynyń atqarýshy dırektory Margarıta Assenovamen jáne Hatson Instıtýtynyń Saıası-áskerı taldaý ortalyǵynyń dırektory Rıchard Veıtspen kezdesti.
Kezdesý barysynda OSK tóraǵasy qonaqtardy Ortalyq saılaý komıssııasynyń prezıdenttik saılaýdy ázirleý jáne ótkizý jónindegi jumysymen tanystyrdy. «Qazirgi kezde prezıdenttikke kandıdattardyń saılaýaldy úgit jumystary júrip jatyr. Bizdiń is-áreketimiz barlyq kandıdattardyń buqaralyq aqparat quraldaryna teńdeı qol jetkizýin qamtamasyz etý. Biz júrgizip otyrǵan monıtorıng nátıjeleri kandıdattardyń saılaýaldy qyzmeti respýblıkalyq jetekshi baspa jáne elektrondyq aqparat quraldarynda shamamen alǵanda teńdeı kórinis taýyp otyrǵanyn kórsetedi»,- dep atap ótti OSK Tóraǵasy.
Sondaı-aq Qýandyq Turǵanqulov saılaý komıssııasy quramyn qalyptastyrý jáne saılaýdy ázirleý men ótkizý kezinde qalyptasqan saılaý komıssııasy múshesiniń bos oryndaryn toltyrý tártibi, saılaýshylar tizimderin naqtylaý, daýys berý qorytyndylaryn shyǵarý rásimderi, halyqaralyq uıymdardyń saılaýdy baıqaýǵa qatysýy syndy elektoraldyq úderisterge qatysty sarapshylardyń birqatar suraqtaryna jaýap berdi.
Kezdesý sońynda amerıkalyq sarapshylar men delegatsııa ókilderi saılaýdy uıymdastyrýshylarǵa saılaý naýqanynyń tabysty aıaqtalýyna tilektestikterin bildirip, kezekten tys saılaý demokratııa jolymen qaryshty damyp kele jatqan Qazaqstan Respýblıkasynyń saılaý zańnamasy men saılaý júıesin damytý úshin paıdalanylady degen senimderin bildirdi.
