OSK tóraǵasynyń orynbasary men hatshysy saılandy
ASTANA. KAZINFORM — Búgin Astana qalasynda Ortalyq saılaý komıssııasynyń otyrysy ótti, dep habarlaıdy vedomstvonyń baspasóz qyzmeti.
Komıssııa tóraǵasy Nurlan Ábdirov Memleket basshysynyń Jarlyǵymen Ortalyq saılaý komıssııasynyń músheleri bolyp Azamat Aımanakýmov, Mıhaıl Bortnık, Muhtar Erman, Ásel Janábilova, Lázzat Súıindik jáne Shavhat Ótemisov taǵaıyndalǵanyn atap ótti.
Otyrys barysynda Ortalyq saılaý komıssııasy tóraǵasynyń orynbasaryn, sondaı-aq Komıssııa hatshysyn saılaý ótti.
— Komıssııa músheleriniń biraýyzdan qabyldaǵan sheshimimen OSK Tóraǵasynyń orynbasary bolyp Muhtar Erman, al hatshysy bolyp Shavhat Ótemisov saılandy, — delingen habarlamada.
Nurlan Ábdirov Ortalyq saılaý komıssııasynyń aldynda turǵan mindetterdi aıqyndap, olardy jedel ári sapaly oryndaý qajettigine toqtaldy.
Osyǵan deıin Quryltaı OSK múshelerin taǵaıyndaýǵa kelisim bergenin jazdyq.
