OSK Tolybaı Baımýrzındi Prezıdenttikke kandıdat retinde tirkeýden bas tartý týraly qaýly qabyldady
ASTANA. 19 aqpan. QazAqparat /Aıdar Ospanalıev/ - Búgin Ortalyq saılaý komıssııasy Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııanyń synynan ótpeı qalǵan Prezıdenttikten úmitker Tolybaı Baımýrzındi kandıdat retinde tirkeýden bas tartý týraly qaýly qabyldady.
OSK hatshysy Baqyt Meldeshovtiń aıtýynsha, T.Baımýrzınniń kandıdatýrasy Konstıtýtsııa men «QR-daǵy saılaý týraly» zańnyń talaptaryna sáıkes kelmeıdi. «Oǵan qatysty barlyq materıaldar tekserildi. Keshe lıngvıstıkalyq komıssııanyń otyrysy ótti. Komıssııa ókilderi úmitkerdi memlekettik tildi erkin meńgermegen dep tapty», - dedi komıssııa hatshysy.
