OSK Syrtqy ister mınıstrligine halyqaralyq baıqaýshylar ınstıtýtyn ashý týraly hat joldamaq
ASTANA. 16 qarasha. QazAqparat /Aıdar Ospanalıev/ - Saılaý ýchaskeleriniń shekaralary týraly aqparat pen ýchaskelik saılaý komıssııalarynyń quramy buqaralyq aqparat quraldarynda 23-shi qarashadan keshiktirilmeı jarııalanýy tıis. Bul týraly búgin 5-shi saılanatyn Parlament Májilisi depýtattarynyń kezekten tys saılaýyna baılanysty jýrnalıstermen bolǵan brıfıngte Ortalyq saılaý komıssııasynyń tóraǵasy Qýandyq Turǵanqulov málim etti.
Onyń sózine qaraǵanda, máslıhat depýtattaryn saılaý boıynsha, saılaý okrýgteriniń tizimi, olardyń shekaralary men ornalasqan jeri, aýmaqtyq jáne okrýgtik saılaý komıssııalarynyń quramy buqaralyq aqparat quraldarynda 26-shy qarashadan keshiktirilmeı jarııalanýy tıis. «Sondaı-aq jaqyn arada biz Syrtqy ister mınıstrligine halyqaralyq baıqaýshylar ınstıtýtyn ashý týraly hat joldaıtyn bolamyz»,-dedi OSK tóraǵasy.
