OSK saılaýda QHA músheleriniń daýys berýine arnalǵan bıýlletenderdi daıyndaıdy
«Ortalyq saılaý komıssııasy óz ókilettigi sheńberinde Parlament Májilisiniń depýtattaryn saılaý boıynsha daýys berýge arnalǵan bıýlletenniń nysany men mátinin belgileıdi, olardy daıyndaıdy. Qazaqstan halqy Assembleıasy saılaıtyn QR Parlament Májilisiniń depýtattaryna daýys berýge arnalǵan saılaý bıýlleteniniń sany QR OSK-nyń 2018 jylǵy 23 tamyzdaǵy qaýlysymen bekitilgen. QHA saılaıtyn Májilisiniń depýtattaryn saılaý jónindegi saılaýshylar tizimine assembleıanyń barlyq 504 múshesi engiziledi. Osyǵan baılanysty qaýly jobasynda saılaýshylardyń, ıaǵnı QHA músheleriniń bir paıyzdyq rezervin qosa alǵanda daıyndalýǵa jatatyn saılaý bıýlletenderiniń sany 509 dana bolyp belgilenedi. Saılaý bıýlleteniniń mátinin bekitý usynylady», - dedi OSK múshesi Erlan Daýylbaev búgingi otyrysta.
Saılaý bıýlletenine memlekettik tilde, tártiptik retpen, tegi men ákesiniń aty kórsetilgen barlyq tirkelgen kandıdattar engiziledi.
«Ortalyq saılaý komıssııasynyń apparaty saılaý bıýlletenderin 2021 jylǵy 9 qańtardan keshiktirmeı Nur-Sultan qalasynyń saılaý komısııasyna jetkizedi. Saılaý bıýlletenderi ornalasqan úı-jaıǵa mór basylady. Ol ishki ister organdarynyń kúzetine tapsyrylady», - dedi ol.
