OSK saılaý úrdisine qatysýshylardyń jaýapkershiligin eske saldy
Ol saılaý naýqany bastalǵaly saılaý zańnamasynyń normalaryn túsindirý boıynsha OSK aýqymdy jumys júrgizgenin aıtty.
«Azamattar azamattardyń ózderiniń saıası quqyqtaryn júzege asyrýyna kedergi keltirgen jaǵdaıda, saılaý komıssııalarynyń jumysyna zańsyz aralassa, daýys berý qupııasyn buzsa, daýys berýge kedergi keltirse, daýys berý nátıjesin qorytyndylap, daýysty esepteý mindetin oryndaýǵa bóget bolsa, jaýapkershilikke tartylady», - dedi B.Meldeshov QR OSK otyrysynda.
Buqaralyq aqparat quraldarynda prezıdenttikke kandıdattyń abyroıyna nemese iskerlik bedeline nusqan keltiretin aqparat taralǵanda, sonymen qatar onyń kelisiminsiz sýreti jarııa etilgende azamattyq quqyqtyq jaýapkershilik týyndaıdy.
«Azamattar anonımdi úgit materıaldaryn jáne naqty derekteri joq úgit materıaldaryn daıyndaǵanda nemese taratqan jaǵdaıda ákimshilik jaýapkershilikke tartylady. ıAǵnı, atalǵan materıaldardy shyǵarǵan uıym jaıynda, olardyń basylǵan jeri, taralymy, tapsyrys bergen tulǵa, basyp shyǵarýǵa qansha qarjy jumsalǵany týraly aqparat bolmasa, úgit materıaldaryn qasaqana búldirse, nuqsan keltirse, menshik ıesiniń kelisiminsiz ǵımarattarǵa, qurylǵylarǵa, sonymen birge tarıhı, mádenı nemes sáýlettik qundylyǵy bar eskertkishterge, ǵımarattar men qurylǵylarǵa ornalastyrsa, jaýapkershilik júkteledi», - dedi OSK hatshysy.
Sonymen qatar onyń atap ótýinshe, kandıdattarǵa qarjylaı kómek kandıdattyń jazbasha kelisiminsiz saılaýaldy jumystarymen baılanysty qyzmetterge, saılaýaldy úgit júrgizýge kedergi keltirýge, basqa saılaýshyǵa daýys berýge kórsetilse, onda ákimshilik jaýapkershilik týyndaıdy.
«Saılaý úrdisine qatysýshylardy jaýapkershilikke tartý negizdemeleri Saılaý týraly Konstıtýtsııalyq zańnyń 50-shi babynda tolyǵymen kórsetilgen», - dedi B.Meldeshev.
