OSK saılaý úderisin uıymdastyrý men ótkizý máselesine qatysty mańyzdy degen birqatar qujattardy qabyldady

Olardyń biri QR Parlamenti Májilisi depýtattaryn saılaý jónindegi saılaý bıýlletenderin daıyndaý, jetkizý jáne esepke alý tártibi týraly nusqaýlyqty bekitýge qatysty bolyp otyr. OSK hatshysy Baqyt Meldeshovtyń aıtýynsha, atalmysh nusqaýlyq boıynsha QR Parlamenti Májilisi depýtattaryn saılaý jónindegi saılaý bıýlletenderin daıyndaý, jetkizý jáne esepke alý tártibin aıqyndaıdy.

Sonymen qatar otyrys barysynda daýys berýge arnalǵan jáshikterdi plombylaý nemese mórleý tártibi týraly qusqaýlyqty bekitý, taǵy bir jaıt - 2012 jylǵy 15 qańtarǵa taǵaıyndalǵan Májilis depýtattary men máslıhat depýtattarynyń saılaýyndaǵy shet memleketter men halyqaralyq uıymdardyń baıqaýshylary, sheteldik buqaralyq aqparat quraldary ókilderiniń qyzmetiniń keıbir máselelerine qatysty.